Vettvangur vaxtar og verðmætasköpunar

Uppspretta Suðurlands 6. - 7. nóvember 2026

Þann 6.-7. nóvember 2026 verður Horseday-höllin í Ölfusi vettvangur hátíðar atvinnulífsins sem enginn ætti að missa af.

Þar verður kastljósinu beint að kraftinum, hugmyndunum og tækifærunum sem búa á Suðurlandi og þeim fjölbreyttu lausnum sem eru að móta framtíð atvinnulífs og samfélags á svæðinu.

Hátíðin sameinar ráðstefnu, sýningarsvæði, kynningar og tengslamyndun í lifandi og spennandi dagskrá þar sem frumkvöðlar, fyrirtæki, fjárfestar, sveitarfélög, stuðningsaðilar og almenningur koma saman.

Gestir fá tækifæri til að kynnast nýjum hugmyndum, hitta fólkið á bak við fyrirtækin og sjá hvernig nýsköpun verður til í raunverulegu samhengi  í matvælaframleiðslu, ferðaþjónustu, orku, tækni, skapandi greinum og samfélagsþróun.

Á hátíðinni verður einnig kynnt nýsköpunarstefna Suðurlands, sem markar tímamót þar sem Suðurland verður fyrsti landshluti Íslands til að setja sér heildstæða stefnu um nýsköpun.